(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.247. అధ్యాయః 247
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
మహేశ్వరేణ పార్వతీంప్రతి స్వమాహాత్ంయకథనపూర్వకం దీక్షయా శివలింగార్చనాఫలకథనం॥ 1 ॥
Mahabharata - Anushaasana Parva - Chapter Text

ఉమోవాచ।

త్రియక్ష త్రిదశశ్రేష్ఠ త్ర్యంబక త్రిదశాధిప।
త్రిపురాంతక కామాంగహర త్రిపథగాధర॥ 13-247-1(91194)
దక్షయజ్ఞప్రశమన సూలపాణేఽరిసూదన।
నమస్తే లోకపాలేశ లోకపాలవరప్రద॥ 13-247-2(91195)
నైకశాఖమపర్యంతమధ్యాత్మజ్ఞానముత్తమం।
అప్రతర్క్యమవిజ్ఞేయం సాంఖ్యయోగసమన్వితం॥ 13-247-3(91196)
భవతా పరిపృష్టేన శృణ్వంత్యా మమ భాషితం।
ఇదానీం శ్రోతుమిచ్ఛామి సాయుజ్యం త్వద్గతం విభో॥ 13-247-4(91197)
కథం పరిచరంత్యేతే భక్తాస్త్వాం పరమేష్ఠినం।
ఆచారః కీదృశస్తేషాం కేన తుష్టో భవేద్భవాన్।
వర్ణ్యమానం త్వయా సాక్షాత్ప్రీణయత్యధికం హి మా॥ 13-247-5(91198)
మహేశ్వర ఉవాచ। 13-247-6x(7668)
హంత తే కథయిష్యామి మమ సాయుజ్యమద్భుతం।
యేన తే న నివర్తంతే యుక్తాః పరమయోగినః॥ 13-247-6(91199)
అవ్యక్తోఽహమచింత్యోఽహం పూర్వైరపి ముముక్షుభిః।
సాంఖ్యయోగౌ మయా సృష్టౌ సర్వం చాపి చరాచరం॥ 13-247-7(91200)
అర్చనీయోఽహమీశోఽహమవ్యయోఽహం సనాతనః।
అహం ప్రసన్నో భక్తానాం దదాంయమరతామపి॥ 13-247-8(91201)
న మాం విదుః సురగణా మునయశ్చ తపోధనాః।
త్వత్ప్రియార్థమహం దేవి మద్విభూతిం బ్రవీమి తే॥ 13-247-9(91202)
ఆశ్రమేభ్యశ్చతుర్భ్యోఽహం చతురో బ్రాహ్మణాఞ్శుభే।
మద్భక్తాన్నిర్మలాన్పుణ్యాన్సమానీయ తపస్వినః॥ 13-247-10(91203)
వ్యాచఖ్యేఽహం తథా దేవి యోగం పాశుపతం మహత్।
గృహీతం తచ్చ తైః సర్వం ముఖాచ్చ మమ దక్షిణాత్॥ 13-247-11(91204)
శ్రుత్వా తత్త్రిషు లోకేషు స్థాపితం చాపి తైః పునః।
ఇదానీం చ త్వయా పృష్టో వదాంయేకమనాః శృణు॥ 13-247-12(91205)
అహం పసుపతిర్నామ మద్భక్తా యే చ మానవాః।
సర్వే పాశుపతా జ్ఞేయా భస్మదిగ్ధతనూరుహాః॥ 13-247-13(91206)
రక్షార్థం మంగలార్థం న పవిత్రార్థం చ భామిని।
లింగార్థం చైవ భక్తానాం భస్మ దత్తం మయా పురా॥ 13-247-14(91207)
తేన సందిగ్ధసర్వాంగా భస్మనా బ్రహ్మచారిణః।
జటిలా ముండితా వాఽపి నానాకారశిఖండినః॥ 13-247-15(91208)
వికృతాః పింగలాభిస్చ నగ్నా నానాప్రకారిణః।
భైక్షం చరంతః సర్వత్ర నిఃస్పృహా నిష్పరిగ్రహాః॥ 13-247-16(91209)
మృత్పాత్రహస్తా మద్భక్తా మన్నివేశితబుద్ధ్యః।
చరంతో నిఖిలం లోకం మమ హర్షవివర్ధనాః॥ 13-247-17(91210)
మమ పాశుపతం దివ్యం యోగశాస్త్రమనుత్తమం।
సూక్ష్మం సర్వేషు లోకేషు విమృశంతశ్చరంతి తే॥ 13-247-18(91211)
ఏవం నిత్యాభియుక్తానాం మద్భక్తానాం తపస్వినాం।
ఉపాయం చింతయాంయాశు యేన మాముపయాంతి తే॥ 13-247-19(91212)
స్థాపితం త్రిషు లోకేషు శివలింగం మయా మమ।
నమస్కారేణ వా తస్య ముచ్యంతే సర్వకిల్బిషైః॥ 13-247-20(91213)
ఇష్టం దత్తమధీతం చ యజ్ఞాశ్చ బహుదక్షిణాః।
శివలింగప్రణామస్య కలాం నార్హంతి షోడశీం॥ 13-247-21(91214)
అర్చయా శివలింగస్య పరితుష్యాంయహం ప్రియే।
శివలింగార్చనాయాం తు విదానమపి మే శృణు॥ 13-247-22(91215)
గోక్షీరనవనీతాభ్యామర్చయేద్యః శివం మమ।
ఇష్టస్య హయమేధస్య యత్ఫలం తత్ఫలం భవేత్॥ 13-247-23(91216)
ఘృతమండేన యో నిత్యమర్చయేద్యః శివం మమ।
స ఫలం ప్రాప్నుయాన్మర్త్యో బ్రాహ్మణస్యాగ్నిహోత్రిణః॥ 13-247-24(91217)
కేవలేనాపి తోయేన స్నాపయేద్యః శివం మమ।
స చాపి లభతే పుణ్యం ప్రియం చ లభతే నరః॥ 13-247-25(91218)
సఘృతం గుగ్గులు సంయగ్ధూపయేద్యః శివాంతికే।
గోసవస్య తు యజ్ఞస్య యత్ఫలం తస్య తద్భవేత్॥ 13-247-26(91219)
యస్తు గుగ్గులపిండేన కేవలేనాపి ధూపయేత్।
తస్య రుక్మప్రధానస్య యత్ఫలం తస్య తద్భవేత్॥ 13-247-27(91220)
యస్తు నానావిధైః పుష్పైర్మమ లింగం సమర్చయేత్।
స హి ధేనుసహస్రస్య దత్తస్య ఫలమాప్నుయాత్। 13-247-28(91221)
యస్తు దేశాంతరం గత్వా శివలింగం సమర్చయేత్।
తస్మాత్సర్వమనుష్యేషు నాస్తి మే ప్రియకృత్తమః॥ 13-247-29(91222)
ఏవం నానావిధైర్ద్రవ్యైః శివలింగం సమర్చయేత్।
మత్సమానో మనుష్యేషు న పునర్జాయతే నరః॥ 13-247-30(91223)
అర్చనాభిర్నమస్కారైరుపహారైః స్తవైరపి।
భక్తో మామర్చయేన్నిత్యం శివలింగేష్వతంద్రితః॥ 13-247-31(91224)
పలాశబిల్వపత్రాణి రాజవృక్షస్రజం తథా।
అర్కపుష్పాణి మేధ్యాని మత్ప్రియాణి విశేషతః॥ 13-247-32(91225)
ఫలం వా యది వా శాకం పుష్పం వా యది వా జలం।
దత్తం సంప్రీణయేద్దేవి భక్తైర్మద్గతమానసైః॥ 13-247-33(91226)
మమాభిపరితుష్టస్య నాస్తి లోకేషు దుర్లభం।
తస్మాత్తే సతతం భక్తా మామేవాభ్యర్చయంత్యుత॥ 13-247-34(91227)
మద్భక్తా న వినశ్యంతి మద్భక్తా వీతకల్మషాః।
మద్భక్తాః సర్వలోకేషు పూజనీయా విశేషతః॥ 13-247-35(91228)
మద్ద్వేషిణశ్చి యే మర్త్యా మద్భక్తద్వేషిణశ్చ వా।
యాంతి తే నరకం ఘోరమిష్ట్వా క్రతుశతైరపి॥ 13-247-36(91229)
ఏతత్తే సర్వమాఖ్యాతం యోగం పాశుపతం మహత్।
మద్భక్తైర్మనుజైర్దేవి శ్రావ్యమేతద్దినేదినే॥ 13-247-37(91230)
శృణుయాద్యః పఠేద్వాఽపి మమేదం ధర్మనిశ్చయం।
స్వర్గం కీర్తిం ధనం ధాన్యం స లభేత నరోత్తమః॥ ॥ 13-247-38(91231)

ఇతి శ్రీమన్మహాభారతే అనుశాసనపర్వణి దానధర్మపర్వణి సప్తచత్వారింశదధికద్విశతతమోఽధ్యాయః॥ 247 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.